今年最後機會》BNO英國選民登記4月14截止 (蘇格蘭18號截) 5月5號選舉


  • 今年最後機會》BNO英國選民登記4月14截止 (蘇格蘭18號截) 5月5號選舉

    身處英國嘅 BNO,如果未登記做選民,就請盡快登記喇,4月14號截止 (蘇格蘭18號截)

    #free#pig 以下係選民登記要求:

    • 以合法身份通常居住英國 (一般話半年,但亦有人未夠半年都成功登記)
    • 英聯邦公民 (BNO就係其中一種)
    • 夠18歲 (蘇格蘭同威爾士地方選舉可以16歲)
      最下面有選民登記傳送門#sowhat#pig

    注意:請善用身份剔除及匿名登記#drum#pig#drum#pig#drum#pig
    為咗選舉嘅公正,以及畀政商界參考,英國政府係有兩本選民名冊:公開選民名冊 (open register) 同一般選民名冊 (electoral register) #read#pig

    顧名思義,公開名冊係啊豬啊狗都可以睇到,只要你肯畀錢#nope#pig公開名冊係會列出你個名同地址,所以政客、商人、學者、記者等等都會時不時畀錢買來睇同研究,而依家依個時勢,唔排除會有英國以外嘅勢力都會想買來睇#kill#pig所以建議,可以考慮選擇將自己嘅資料從公開名冊入面剔除 (opt out)#hehe#pig喺網上登記或者聯絡各地嘅選民登記辦事處就可以剔除身份,下面有傳送門,而且剔除公開名冊入面嘅身份係唔會影響投票權,所以可以放心#clap#pig

    而一般選民名冊就應該有齊每位選民嘅資料,但一般名冊就只有特定理由先可以睇到,例如:核對貸款申請、競選活動等等#read#pig如果都仲係有擔心,就可以透過匿名方式登記做選民 (registering anonymously),咁樣就會兩本名冊都搵唔到你嘅資料#champagne#pig

    但匿名登記就唔係人人都可以申請,而且申請程序比較複雜,一般係畀暴力受害者本人、佢嘅同屋人士申請,目的係費事被發現之後再次畀人尋仇#shocking#pig不過今時今日嘅局勢,可能有部份BNO都有咁嘅需要,細仔申請匿名登記嘅資格同手續請睇下面傳送門#read#pig

    = = = = = 網上選民登記 = = = = =
    https://www.gov.uk/register-to-vote

    = = = = = 郵寄選民登記 = = = = =
    https://www.gov.uk/government/publications/register-to-vote-if-youre-living-in-the-uk

    = = = = = 剔除公開名冊資料 = = = = =
    https://www.gov.uk/electoral-register/opt-out-of-the-open-register

    = = = = = 匿名選民登記 = = = = =
    https://www.gov.uk/government/publications/register-to-vote-anonymously

相關主題