非常理性討論,點解mirror同error可以咁短時間紅得咁犀利?


  • 首先唔可以否則佢地真係好撚紅呢個事實,廣告商已經話左比大家聽:佢地宜家就係香港最吸金既藝人.都好老實講,對上一個有瘋狂fans既藝人應該要數到謝霆鋒/twins.再之前就四大天王.
    好明顯佢地同陳奕迅/張敬軒果種紅係唔同.

    我覺得好重要既原因係娛圈長期都缺乏一班25歲左右或以下既入屋男藝人,所以市場係好渴求.呢十年呢種渴求變左追韓星.
    講緊30以上既女性係係娛樂圈消費力最強既一群,但佢地渴求既小鮮肉市場一係長期空白.

    同埋近十年唔知點解可能因為社會氣氛男歌手既風格都偏壓抑/講大道理/壞,基本上所有都係,eason果D不嬲都係.市場對sell開開心心,乖乖地既野好渴求.

    TVB,各大唱片公司呢十年行左另一條路.
    各大唱片公司就捧D好target年青人既男藝人,就主要係band. 所以近十年紅親既後生男仔都係band. band唔係唔好但主力食後生一代而且都唔係人人受落,30以上中女更加唔會聽. 同埋band仔好難做多棲藝人.
    相反捧女就捧到一堆例如aga,方皓玟,JW,Gin lee. 但無奈女藝人既價值唔會有男藝人咁高.(女人到中年都會追星,男人天生就好少追星)
    TVB捧得既小生都3字頭唔洗講,其實當年捧坤哥係有機會成功既(都OK紅,D中女都好鍾意),不過可能本身TVB個模式太老套同埋冇機遇,whatever總之佢都半紅不黑.

    而mirror佢地個機遇就係咁啱呢幾年韓男團高峰期已過,上一代男團全面變阿叔(bigbang,CNBLUE,shinee,2am) EXO入伍.得番BTS.
    同埋當然仲有社運,社會興起反TVB浪潮+反對原有紅既藝人既浪潮(周柏豪,余文樂等)
    (我唔評論mirror佢地係咪黃,但有一點有趣既係宜家mirror最忠實既fans群並唔係最熱衷社運既18-30歲,而係中小學生同埋30樓上既.)

相關主題