「煲底見」呢個承諾仲有幾多人銘記於心


  • alt text

    當「煲底見」三個字變成禁語,呢個承諾仲有幾多人銘記於心?

    誌傳媒訪問咗兩位已出冊沙咀手足,其中一位喺囚友出冊道別時,講咗句「煲底見」,最後被加監一個月同獨囚三日。

    我哋曾經掛係嘴邊嘅承諾,比政治訴求口號更簡單三個字竟變成禁忌。如果牆內講一句「煲底見」要加監,第日牆外我哋會唔會講同一句就會有不可言喻嘅後果?

    童話故事係禁書,黃黑色係邪惡象徵,鮮花係鬼魅,成為禁忌嘅事物越嚟越多,然而禁忌唔等於會被遺忘。

    好多人都會記得「黎明前嘅黑暗係至撚黑暗」呢句說話,依家只係黑夜嘅開端,面對住未可預見嘅將來,呢條路行行吓會被無力感所淹蓋。「希望」從來都唔係因為呢個地方本身有希望,而係來自堅持緊嘅大家,為實現「煲底見」努力,握緊初心。

    在囚手足網上筆友系統:https://www.swallowlife.org/intro-heartwithmate

    圍牆上的圖書館:https://www.swallowlife.org/圍牆上的圖書館

相關主題