肥佬黎,分分鐘會喺今後歷史,被抹黑成古往今來最大漢奸、走狗、賣國賊


  • 肥佬黎,分分鐘會喺今後歷史,被抹黑成古往今來最大漢奸、走狗、賣國賊。

    72歲嘅肥佬黎,今日又俾人監生安插多條國安罪名,睇到我好心痛。:-(:-(:-(:-(

    共產黨要係無大台嘅民主運動夾硬搵一個罪魁禍首,就將天下間所有嘅罪名都加諸喺呢個老人家身上。

    香港人,移民嘅移民,有啲就化為順民、有啲就被標籤為暴民,淪為階下囚,今後共產黨將會掌握華文歷史嘅話語權,掌控往後幾千年嘅歷史書寫。

    吳三桂、汪精衛,俾人鞭屍鞭足幾千年,但係始終佢哋唔係直接得罪共產黨,今後幾千年, 黎智英將會被抹黑成古往今來最大嘅漢奸、走狗、賣國賊。

    所以今日我一定要留低一啲筆跡,以微小嘅力量,試圖同將來浩瀚嘅所謂主流歷史抗衡,幫自己記錄低香港存在過呢一個響噹噹嘅人物,一個值得尊重嘅好人。

    可能有啲人覺得佢打壓本土派、屈港獨係鬼、唔俾報道本土派,長期資助、支持尸位素餐嘅泛民,係血海深仇。#kill##kill##kill#

    可能有人覺得佢麾下嘅報章,帶來狗仔隊文化、甚至渲染血腥暴力,誨淫誨盜。xx(xx(xx(

    但係人就係人,有缺陷,有我哋唔認同嘅地方,佢唔係一個漫畫人物、唔係一個聖人、亦唔係咩歷史偉人,亦冇可能討好全世界, 佢係有血有肉嘅一個人,有陰暗、亦有光輝嘅一面。

    古往今來,甚至縱觀全個世界,仲有邊個億萬富豪,可以放棄錦衣玉食嘅奢華生活,進而為咗民主,同極權對抗,擔下政權羅織俾佢「漢奸、走狗、賣國賊」嘅千古罵名?
    #adore##adore##adore##adore#
    今年農曆新年,好似佢咁樣72歲嘅老人家,好多都享緊兒孫福、同埋一家人團聚過年,但佢就要自己一個困喺冷冰冰嘅囚室。#cry#mouse

    更何況佢係一個億萬富豪,本身可以住大屋、食盡世間美食,偏偏佢為咗保存香港嘅自由,四出奔走,默默係背後支持香港嘅民主運動,甚至身體力行,完全唔怕成為極權嘅眼中釘。

    佢唔係因為搞政治先得到佢嘅財富,佢兩手空空嚟到香港,憑住自己嘅努力幹勁,白手興家,創辦佐丹奴,成為製衣業大亨,偏偏喺六四事件後,出於義憤,賣晒佐丹奴股權,創辦壹傳媒,成為主流媒體唯一一把支持民主嘅聲音。

    如今佢卻因為被政治逼害,辛辛苦苦賺來嘅身家都冇得享用,要70幾歲老人家瞓硬板床、捱凍,受人嚴密監視,甚至終日抵受隨時又被安插多幾百條罪、甚至送中槍斃、今後被人鞭屍、辱罵幾千年嘅厄運。:~(:~(:~(

    好多人以為,係因為有人冇嘢好輸,先會放手一搏投身革命,係因為有啲人受盡社會欺壓,先會惹來更大反彈,係因為有啲人未來仲有大把時間大把青春,為咗自己未來先要努力爭取,但係肥佬黎已經身家億萬、更係一個70幾歲嘅老人家,佢爭取返嚟嘅未來唔係為咗自己,而係完全為咗下一代。

    記得我睇過佢講嘅一句野,令我到而家都好感觸:

    「我兩手空空來到這裡,我所得到的一切,都歸功於此地的自由。或許,現在是到了我回報這一自由的時候了。」

    :~(:~(:~(:~(

    黎智英過往同本土派嘅牙齒印
    或者的確有佢不足嘅地方
    不過覆巢之下豈有完卵
    今日無論你係咩派都面對同樣嘅政治逼害

    黎智英的確講錯咗好多嘢得罪本土派
    但係有樣嘢必須以正視聽
    費事比別有用心嘅所謂同路人抹黑
    就係屈佢撐拜登

    佢明顯係一直支持特朗普
    佢一直以來言論都係支持特朗普
    黎智英二十年來嘅私人助理Mark Simon係共和黨人
    蘋果頭版向特朗普求援
    黎智英親身見過彭斯
    甚至有傳佢資助秘密調查拜登嘅報告

相關主題