［有圖］究竟當年緬甸發生咩事，搞到依加嘅局勢咁亂？原來當年緬甸已經發生過好多次「六四」
分享自 LIHKG 討論區
https://lih.kg/2411688
隨著緬甸嘅示威愈演愈烈 #kill#
軍方對人民嘅打壓亦愈嚟愈強硬
不過，歷經滄桑磨難嘅緬甸人 #fight1#dog
卻無懼軍方打壓走上街頭
繼承前人遺志，要求軍人還政於民
而其實，提到緬甸嘅民主化運動歷史
早喺二次大戰結束嗰陣 #kill#
全球各地都掀起反殖民嘅獨立浪潮
而喺緬甸國父昂山將軍嘅帶領下 #:)#pig
緬甸亦脫離英國獨立（1948年）
但後來，昂山將軍突然俾政敵暗殺
導致軍方權力出現真空 #escape#dog
雖然後來嘅政府暫時解決危機
但因為政府內部陷入分裂 #dying#pig
造成議會停擺同經濟發展停滯嘅問題
同時緬共勢力同其他族群嘅勢頭亦冒起
所以喺1962年3月2日
奈溫將軍就以維護緬甸聯邦為由發動政變
宣布終止民主憲法，解散立法機關 #upset#dog
並成立「聯邦革命委員會」
作為最高國家機構
加強軍事獨裁管治嘅力度 #kill#
無幾耐，喺仰光大學學生會嘅領導下
就有過千名學生喺校內示威抗議
要求軍政府立即下台 #bark#dog
但最後，學生遭到軍隊實彈鎮壓
軍隊甚至炸毀仰光大學嘅SU大樓
藉此震懾全國嘅學運勢力 #dying#pig
最終造成過百人傷亡，六千幾人被捕
史稱「仰光大學大屠殺」#sick#pig
而雖然奈溫暫時將國內勢力擺平
但佢嘅經濟國有化與自給自足嘅政策
再加上長年內戰與軍政府嘅高壓管治
卻為緬甸經濟帶嚟災難性影響 #wail#pig
喺1987年9月5日，奈溫實行幣制改革
宣布廢除45同90以外嘅紙幣 #upset#dog
正係因為呢兩個數可以俾9整除
被奈溫視為幸運嘅象徵 #heard#pig
導致人民嘅積蓄化為烏有
後來，仰光學生發起示威同罷課
抗議軍政府嘅無能同腐敗 #kill#
而由於喺示威期間
大量學生遭到防暴警毆打、強姦同殺害
因而觸發起更大規模嘅示威 #kill#pig
隨著示威浪潮蔓延全國
奈溫亦喺1988年7月23宣布辭職
但佢之後又任命親信盛倫繼承總統
喺背後繼續控制政局 #arrested#pig
所以，全國學生聯盟決定
喺8月8號舉行全國大遊行
希望能夠再次向軍政府施壓
史稱「8888民主運動」#sowhat#pig
但無幾耐，政府從各地調派軍隊
並下令軍人向示威群眾實彈開火
而醫院嘅傷者同醫護亦同樣遭到屠殺
造成咗嚴重嘅人命傷亡 #dying#pig
而正喺仰光醫院照顧呀媽嘅昂山素姬
亦喺呢場運動入邊嶄露頭角 #kill#
並聯合各方勢力成立「全國民主同盟」
成為「8888民主運動」嘅象徵標誌
但最終，運動喺軍方血腥鎮壓下結束
事後，民間組織就估計
至少有三千人喺運動中犧牲 #heard#pig
數以萬計嘅示威者受傷同被捕
而軍方亦以煽動騷亂為由軟禁昂山素姬
而隨著西方對緬甸實施進一步制裁 #fight1#dog
緬甸亦開始向中國靠攏，展開多方合作
而中國亦成為緬甸最大投資國
以及武器供應商
不過，隨著21世紀來臨
緬甸再次面臨嚴重嘅經濟危機 #shocking#pig
先後遭到亞洲金融風暴與天災重創
國內惡性通貨膨脹持續不斷
令國家經濟瀕臨崩潰邊緣 #kill#pig
喺2007年，政府就因為調漲天然氣價格
引發後來嘅「番紅花革命」 #kill#
雖然運動很快就被政府平息
但卻推動政府構思民主改革嘅計劃
爭取西方外資嘅流入
後來，軍政府承諾會逐步邁向民主化
先後召開國民大會、修訂憲法
舉行公投通過新憲法 #bye#dog
並喺2011年將權力轉移俾民選政府
同時亦釋放被軟禁多年嘅昂山素姬
不過，軍方為咗確保佢地嘅地位
喺2008年嘅新憲法中訂明 #sick#pig
軍方將保留國會25%嘅議席
唔允許同外國人通婚嘅人出任元首
排除昂山素姬出任總統嘅機會
並設立凌駕國會嘅國安委員會
規定一旦發生威脅國安嘅事件 #arrested#pig
委員會就可以立即接管政府
所以，緬甸民主制度嘅背後
卻依舊都係軍事獨裁嘅管治 #cry#dog
而緬甸亦不斷陷入軍事獨裁、民主體制
以及街頭抗爭之間嘅歷史循環當中
所以，雖然民主派喺2012年嘅議會補選
同2015年嘅國會大選入邊大勝 #champagne#pig
而昂山素姬亦成為國務資政
（權力等同總理）
但民選政府卻喺決策上備受軍方制肘
直到2020年嘅國會選舉
全國民主聯盟再次勝出選舉 #sowhat#pig
但軍方指出今次嘅選舉牽涉舞弊
並喺今個月嘅1號發動政變奪權 #arrested#pig
之後，就發生大家所見到嘅畫面
從2月2號開始 #drum#pig
數以萬計嘅示威群眾上街抗議
仿效泰國示威者嘅反極權三指禮手勢
要求軍政府下台、釋放昂山素姬等人
以及承認2020年嘅國會選舉結果
後來，軍方派出防暴警察
施放催淚彈與橡膠子彈驅散人群
出動水炮車清場，甚至實彈射擊示威者
同時封鎖全國網絡同部分新聞頻道
宣布實施戒嚴 #dying#pig
禁止超過5人嘅聚集與公眾活動
喺2月14號開始
仰光更首次有裝甲車出現在街頭 #kill#
而緬甸軍警亦採取大規模拘捕行動
自行授權扣留民眾同搜查私人物業
迫罷工嘅公務員同工人返工 #@_@#dog
軍方甚至「特赦」二萬三千幾個囚犯
喺各大城市追打同綁架市民
並喺工業區四處放火 :~(
但好彩嘅係
當地居民自發成立自衛隊以武抗暴
令兇徒同軍隊唔敢亂咁嚟 #bark#dog
而直到目前為止
緬甸嘅示威活動仍然一直持續
睇到呢到
有人會話昂山素姬奶共而唔應該幫 #bye#dog
有人話緬甸人同樣反極權而要幫
但其實 #fight1#dog
樓豬只係想大家了解多啲緬甸歷史
好讓大家能夠諗清楚點樣去睇呢件事
而唔好盲目站邊 #heard#pig
而以上嘅資料都係來自Movistory嘅影片
有興趣知多啲嘅可以睇返佢條片
支持下本土文代圈 #:)#pig
廣傳開去，等更多人知道緬甸嘅事
#drum#pig#drum#pig