武肺全球大爆發之前，中共基本上外憂內患都有
點知一個武肺就咸魚翻身，一次過搞掂曬所有「敵人」
美國﹕
本身trump就嚟喺貿易戰上打殘中共，逼到中共簽好多有利美國既條約
各國盟友亦都開始歸位跟返美國大佬，連北韓金仔都同trump稱兄道弟
點知一爆武肺，trump 信錯咗who，令到處理疫情不力，國內支持度大減
加上因為行動禁制，經濟下行同本身既種族問題搞到爆發埋blm，一堆潛伏已久既左膠空群而出
最後導致美國民眾大分裂、強硬對抗中共既trump下台，換左個往績養大中共既拜登上台
無人再理咩tiktok偷個人資料、美中貿易順差、新彊、香港人權危機（或者起碼唔係重點）
日本﹕
安倍修憲基本上部署好曬，等埋東京奧運成功，到時乘勢通過應該無咩難度（加上有美國幫拖）
點知疫情搞到奧運延期，唔好講修憲，連經濟都面臨危機
一直有長期病既安倍都等唔到咁耐要因病下台
香港﹕
雖然話中共出到國安法咁強硬，已經好難再有咩抗爭，但疫情一出更加係令到所有遊行、集會難上加難
政府亦都可以以防疫為由，出更多監控招數
外國好多人開始因為各大城市既聲援集會，關注香港人權，畀壓力自己政府
但一樣因為疫情少左聲氣
歐盟英國﹕
歐洲各國都討論緊華為問題、晶片問題，又係疫情令到貿易大減，令到必須要搵返中共做生意
最近仲簽埋個「歷史性」投資協定
暫時諗到呢d
相反睇中共喺疫情下付出既代價簡直細到無倫
棋王武肺呢步算唔算神之一手